ULDUZ FALI

gunes Dekabr 6, 2007 14:13


	Qoç [21 mart - 20 aprel] İnsanların rəngdən-rəngə, cilddən-cildə düşməyi sizi haldan çıxarır. Yaxın yoldaşlarınızın, köhnə dostlarınızdan bəzilərinin də sizinlə oyun oynamasına dözə bilməyib ciddi münaqişə vəziyyəti yaradacaqsınız.
	Buğa [21 aprel - 20 may] Hər şeyi yenidən başlamaq istəyirsiniz. Buna kifayət qədər gücünüz də var. Uğursuzluqlar sizin üçün dərs olmalıdır. İndi yeni imkan gözləyirsiniz ki, bilik və təcrübənizi konkret işə yönəldəsiniz.

	Əkizlər [21 may - 21 iyun] Enerjiniz günbəgün yox, saatbasaat artır. Özünüzdə tükənməz güc hiss edirsiniz. Elə düşünürsünüz ki, qarşınızda düran bütün məsələləri birnəfəsə həll edə bilərsiniz.

	Xərçəng [22 iyun - 22 iyul] Münasibətləri gözəl tənzimləyəcəksiniz. Sizə müraciətlər olacaq. Hamı öz problemilə bağlı sizdən yardım istəyəcək. İmkanınız daxilində adamlara xoş gələ biləcək mövqedə olun.

	Şir [23 iyul - 23 avqust] İşdə ciddi əngəllər, bədxahların əməlləri sizin nəzərdə tutduğunuz işlərə əməlli-başlı maneə ola bilər. Səhv buraxmamağa çalışın. Sevgi münasibətlərində inkişaf gözlənilir.

	Qız [24 avqust - 23 sentyabr] Birgə fəaliyyət məsləhət deyil. Müştərək layihələrdə iştirakınız yaxşıdır, amma öz işinizi də qurmağı planlaşdırın. Düşüncə ilə hər şeyi düzgün götür-qoy edin, risqlərə yol verməyin. Hesablamalarınızda dəqiq olun.

	Tərəzi [24 sentyabr - 23 oktyabr] Dəyişiklik tələb edən vaxtdır. Köhnə üsulla tənzimlədiyiniz işləriniz bir-birinə bənzəyir. Bundan həm özünüz yorulursunuz, həm də başqalarını razı sala bilmirsiniz. Yeni enerji ilə işə girişin. Gözgörəsi dəyişikliklər baş verəcək.

	Əqrəb [24 oktyabr - 22 noyabr] Baş verən hadisələri ağrılı yaşamayın, hər hadisəyə bu qədər həssaslıq sərf etməyin. Əgər sizə əsl səmimiliklə yaxınlaşıb, dərdinizi bölüşmək istəyirlərsə, söhbətdən qaçmayın. Bu söhbətin müsbət təsirini özünüz də hiss edəcəksiniz.

	Oxatan [23 noyabr - 21 dekabr] Adamlara qarşı şəfqətli olun. İmkanınız daxilində əliaçıqlıq göstərin. Yaxın hesab etdiyiniz adamlara yardım edəcəksiniz. Buna baxmayaraq, özünüz kredit götürəcəksiniz. Sponsora da böyük ehtiyacınız var.

	Oğlaq [22 dekabr - 20 yanvar] Maliyyə vəziyyətinizi düzəltmək üçün yaxşı fürsətdir. Sizin cəldliyiniz, hər hansı vəziyyətdən ayıqlıqla çıxmaq qabiliyyətiniz köməyiniz olacaq.

	Dolça [21 yanvar - 20 fevral] Ayıq gözlə ətrafınıza baxın. Aldanmamağa çalışın. Reallığı heç vaxt nəzərdən qaçırmayın. Təzə işə başlamaq istədikdə ancaq faktlara söykənin. "Mənə elə gəlir ki..." sözlərindən qaçın, sizə çox məsələ "elə gələ bilər".

	Balıqlar [21 fevral - 20 mart] Hamı ilə sülh və barış mövqeyində olacaqsınız. Bəyənmədiyiniz vəziyyətləri görməyi də bacarmalısınız. Sizi sevməyi isbat etməyə ehtiyac qalmayacaq. Hər şey göz önündədir. Münasibətlərinizi daha da səmimiləşdirin. Uşaqlarla ünsiyyətlərdən sevinəcəksiniz.